سابلي باللوز

سابلي في ثوب جديد باللوز للعشوية و القعدة عل البحر و السهرية و للمناسبات العائلية
ساهل و بنين و ما يشدش اليدين
600غ فرينة 150 غ زبدة طرية و 150 غ لوز مرحي و مغرفة ماء ورد و الا ماء عطرشية 200غ سكر محور 1 خميرة قاطو 2 بيضات و قطرة روح اللوز و تخلط الكل مليح تتحصل على عجينة لينة حطها في ساشي و خليها ترتاح نصف ساعة و بعد حل بالقلقال و شكلها بالقالب و طيبهم 15 دق على 170 درجة كل واحد و الفرن متاعو لازم تعس على الطياب حتى يحمارو شوية من القاع خليهم يبردو و ذوب 100 غ شكلاطة في بان ماري و زيدها مغرفة صغيرة زيت و حطها في فرتونة من ورق الطبخ و اعمل نقيبة صغيرة من الاسفل و زين الكعبات و خليها تبرد حتى تيبس الشكلاطة و بالشفاء